किशोरवयीन मुलींना स्वसंरक्षणाचे धडे 

कराड/प्रतिनिधी : – 

रोटरी क्लब ऑफ कराड यांच्यावतीने सद्गुरु गाडगे महाराज महाविद्यालय आणि कृष्णा कॉलेज ऑफ फार्मसी ऑडिटोरियम यामध्ये सेव्ह गर्ल सेफ गर्ल, नवदुर्गा नारीशक्ती अभियान अंतर्गत किशोरवयीन मुलींना स्वसंरक्षणाचे प्रशिक्षण देण्यात आले.

सांगली येथील अमोल ढोबळे व त्यांच्या टीमने प्रात्यक्षिकद्वारे उपस्थित विद्यार्थिनींना स्वसरंक्षण कसे करावयाचे, हे सोप्या पद्धतीने सांगून त्यांच्याकडून प्रात्यक्षिके करुन घेतले. या प्रशिक्षणास विद्यार्थिनींकडून उस्फूर्त प्रतिसाद मिळाला.

मान्यवरांची उपस्थिती : यावेळी रोटरी क्लब ऑफ कराडचे अध्यक्ष रो.रामचंद्र लाखोळे, सचिव रो. आनंदा थोरात, रो. गजानन कुसुरकर, रो. डॉ. रूपाली देसाई, रो. पल्लवी यादव, सौ. अनुराधा टकले, रो. प्रताप मोरे उपस्थित होते.

विद्यार्थिनींना सखोल मार्गदर्शन : याप्रसंगी रो. डॉ. भाग्यश्री पाटील व डॉ. प्रीती देशपांडे यांनी मुलींना स्वसंरक्षणाबरोबरच आरोग्याची निगा कशी राखावी, याचे सखोल मार्गदर्शन केले. प्रा. इ. क. पाटील यांनी स्वागत केले. रो. किरण जाधव यांनी सुत्रसंचालन केले. रो. डॉ. अस्मिता फासे यांनी प्रास्ताविक केले. रो. पल्लवी यादव यांनी ओळख करुन दिली. सद्गुरु गाडगे महाराज कॉलेजच्या उपप्राचार्य सौ.माधुरी कांबळे यांनी मनोगत व्यक्त केले. रो. रामचंद्र लाखोले यांनी आभार मानले. या कार्यक्रमासाठी 370 विद्यार्थिनी उपस्थित होत्या. याप्रसंगी रो. डॉ. राहुल फासे, रो. डॉ. शेखर कोगणूळकर, रो. आनंदा थोरात, हर्षला देशमुख उपस्थित होते.