कृष्णा उद्योग समूहाचे सर्वेसर्वा डॉ. सुरेश भोसले यांच्या ७० व्या वाढदिवसानिमित्त मलकापूर (कराड) येथे आयोजित ‘सुरों का उत्सव’ या भव्य संगीत रजनीस रसिक श्रोत्यांचा उत्स्फूर्त प्रतिसाद लाभला. हिंदी व मराठी चित्रपटसृष्टीतील आघाडीचे गायक आणि गायिकांनी आपल्या सुरेल सादरीकरणातून उपस्थितांची मने जिंकली.

सदाबहार गीतांचे सादरीकरण : संगीत रजनीची सुरुवात सागर केंदूरकर यांच्या ‘श्री गणेश नमन’ सादरीकरणाने झाली. त्यानंतर त्यांच्या ‘दिल से रे’ या उर्जादायी गाण्याने वातावरण भारावून गेले. प्रसिद्ध गायिका कोमल कृष्णा यांनी ‘मेरे ढोलना’ आणि लता मंगेशकर यांची सदाबहार गीते सादर करून रसिकांना जुन्या आठवणींत रमवले. ऋषिकेश रानडे यांनी ‘कधी तू रिमझिम’ आणि ‘मेरा रंग दे बसंती चोला’ यांसारख्या गीतांनी भावनिक तरंग निर्माण केले. तर संपदा गोस्वामी यांनी ‘कभी श्याम ढले’ आणि ‘आता गं बया’ सारख्या गीतांनी श्रोत्यांना भावविभोर केले.

रसिकांचा भरभरून प्रतिसाद : गायक-गायिकांच्या युगल गीतांनाही रसिकांचा भरभरून प्रतिसाद मिळाला. ऋषिकेश रानडे व संपदा गोस्वामी यांच्या ‘बहरला हा मधुमास नवा’, कोमल कृष्णा व सागर केंदूरकर यांचे ‘जाने जा’, तर सागर व संपदा यांचे ‘शौकियों में घोला जाए’ या सादरीकरणांनी मैफलीला रंगत आणली. अमेय दाते यांनी सादर केलेली भक्तिगीते ‘आई भवानी’, ‘देवा श्री गणेशा’ आणि ‘अबीर गुलाल’ यांना विशेष दाद मिळाली. कार्यक्रमाची सांगता सर्व कलाकारांनी एकत्रितपणे ‘जय हो’, ‘सुनो गौर से दुनिया वालो’ आणि ‘माँ तुझे सलाम’ या देशभक्तिपर गीतांनी केली. त्यामुळे संपूर्ण सभागृहात देशप्रेमाचे वातावरण निर्माण झाले.

मान्यवरांची उपस्थिती : कार्यक्रमाचे दीपप्रज्वलन सिक्कीमचे माजी राज्यपाल, माजी खासदार श्रीनिवास पाटील यांच्या हस्ते झाले. यावेळी माजी मंत्री दिलीपराव देशमुख, आमदार डॉ. अतुलबाबा भोसले, माजी आमदार आनंदराव पाटील, ज्येष्ठ नेते मदनराव मोहिते, सौ. उत्तरा भोसले, सौ. सुवर्णादेवी देशमुख, श्री. विनायक भोसले आदी मान्यवर उपस्थित होते.

विनोदी शैलीत प्रेक्षकांशी संवाद : संगीत संयोजन मंदार राजपूत यांचे होते. कार्यक्रमाचे निवेदन आर. जे. गौरव यांनी केले. त्यांनी आपल्या विनोदी शैलीत प्रेक्षकांशी संवाद साधत, सिनेमातील किस्से आणि मनोरंजक माहिती सादर करत वातावरण हलकेफुलके ठेवले.

कलाकारांचा सत्कार : कार्यक्रमातील सर्व कलाकारांचा सत्कार आमदार डॉ. अतुलबाबा भोसले यांच्या हस्ते सन्मानचिन्ह देऊन करण्यात आला. या कार्यक्रमाला कृष्णा परिवारातील सर्व संस्थांचे पदाधिकारी, कराड-मलकापूर नगरपालिकेचे माजी पदाधिकारी, भाजपाचे कार्यकर्ते आणि शेकडो संगीतप्रेमी श्रोते मोठ्या संख्येने उपस्थित होते.

The post ‘सुरों का उत्सव’ संगीत रजनीत सुरेल स्वरांची बहार first appeared on Jan Swarashtra.

पुणे येथे नुकत्याच झालेल्या 13 व्या राष्ट्रीय आरोग्य चित्रपट महोत्सवात कृष्णा विश्व विद्यापीठाची प्रस्तुती असलेल्या ‘राईट टू क्लिन एन्व्हायर्मेन्ट’ या माहितीपटाला तृतीय क्रमांक प्राप्त झाला. सुप्रसिद्ध अभिनेत्री मधुराणी प्रभुलकर यांच्या हस्ते विद्यापीठाच्या दूरस्थ व ऑनलाईन शिक्षण केंद्राचे संचालक तथा या माहितीपटाचे दिग्दर्शक डॉ. बाळकृष्ण दामले यांनी हा पुरस्कार स्वीकारला.

राष्ट्रीय आरोग्य चित्रपट महोत्सव : आरोग्य जागृतीच्या क्षेत्रात काम करणाऱ्या पुणे येथील पी. एम. शाह फाऊंडेशनच्यावतीने दरवर्षी आरोग्य समस्यांवरील चित्रपटांच्या राष्ट्रीय महोत्सवाचे आयोजन केले जाते. यंदाच्या 13 व्या राष्ट्रीय आरोग्य चित्रपट महोत्सवासाठी विविध भारतीय भाषांमधून अनेक विषयांवरचे सुमारे ३४ लघुपट व माहितीपट फाऊंडेशनकडे प्राप्त झाले होते. यामध्ये कृष्णा विश्व विद्यापीठाने तयार केलेल्या ३ लघुपटांचा व एका माहितीपटाचा समावेश होता. 

‘राईट टू क्लिन एन्व्हायर्न्मेंट’ या माहितीपट तृतीय : महोत्सवात कृष्णा विश्व विद्यापीठ प्रस्तुत आणि डॉ. बाळकृष्ण दामले दिग्दर्शित ‘राईट टू क्लिन एन्व्हायर्न्मेंट’ या माहितीपटाला तृतीय क्रमांक प्राप्त झाला. आरोग्यदायी जीवनासाठी स्वच्छ पर्यावरण हा प्रत्येकाचा हक्क आहे, याबाबतची जागृती या माहितीपटाच्या माध्यमातून करण्यात आली आहे. महोत्सवाच्या समारोप सत्रात सुप्रसिद्ध अभिनेत्री मधुराणी प्रभुलकर यांच्या हस्ते माहितीपटाचे दिग्दर्शक डॉ. बाळकृष्ण दामले यांना सर्वोत्कृष्ट माहितीपटाचा तृतीय क्रमांकाचा पुरस्कार प्रदान करण्यात आला. याप्रसंगी महोत्सवाचे आयोजक ॲड. चेतन गांधी यांची प्रमुख उपस्थिती होती. 

डिप्रेशन/एन्झायटी सांगण्याची फॅशन : यावेळी बोलताना सौ. प्रभुलकर म्हणाल्या, आरोग्य हा अत्यंत गंभीर विषय असून, आरोग्यावर आधारित चित्रपट व माहितीपट निर्माण होणे महत्त्वाचे आहे. एखादा संदेश द्यायचा असल्यास ती गोष्टीच्या माध्यमातून चिरकाल मनात राहते. मानसिक आरोग्य हा कळीचा मुद्दा झाला आहे. ‘डिप्रेशन’ आणि ‘एन्झायटी’ हे शब्द माझ्या पिढीला माहितीही नव्हते. मात्र, आज हे ‘मला डिप्रेशन किंवा एन्झायटी आहे’ हे सांगण्याची जणू फॅशनच आहे. हे सारे गंभीर असून, यामागील कारणे शोधणे गरजेचे आहे. समाजमाध्यमे ही मानसिक आरोग्य बिघडण्याचे सर्वांत मोठे कारण आहेत, असेही त्यांनी नमूद केले.

कलाकार व तंत्रज्ञांचे आभार : या यशाबद्दल माहितीपटाच्या निर्मितीप्रक्रियेत सहभागी झालेल्या कलाकार व तंत्रज्ञांचे सर्वस्तरातून अभिनंदन होत आहे. या यशाबद्दल कृष्णा विद्यापीठाचे कुलपती डॉ. सुरेश भोसले, कुलपतींचे प्रधान सल्लागार डॉ. वेदप्रकाश मिश्रा, शैक्षणिक व मानांकन विभागाचे प्रधान सल्लागार डॉ. प्रवीण शिंगारे, कुलगुरु डॉ. नीलम मिश्रा आणि कुलसचिव डॉ. एम. व्ही. घोरपडे यांनी लघुपटाच्या संपूर्ण टीमचे अभिनंदन केले आहे.

The post ‘कृष्णा’चा माहितीपट राष्ट्रीय आरोग्य चित्रपट महोत्सवात तृतीय first appeared on Jan Swarashtra.

कराड/प्रतिनिधी : – 

महान गायक महंमद रफी यांच्या जन्मशताब्दी महोत्सवानिमित्त त्यांच्या अजरामर गीतांना उजाळा देण्यासाठी मंगळवार, दि. 24 डिसेंबर रोजी कराड येथे सुनही शाम रफी के नाम अंतर्गत सौ बार जनम लेंगे.. हा बहारदार गीतांचा कार्यक्रम आयोजित करण्यात आला आहे.

कार्यक्रम : महंमद रफी म्युझिक अ‍ॅकॅडमीच्या वतीने कार्यक्रमाचे आयोजन करण्यात आले असून येथील यशवंतराव चव्हाण स्मृतीसदन टाऊन हॉल येथे रात्री 9 वाजता हा कार्यक्रम होत आहे. कार्यक्रमाची संकल्पना महागुरू असिफ बागवान व मोहंमद अनिस यांची आहे.

आवाहन : कार्यक्रम सर्वांसाठी खुला असून रसिक प्रेक्षकांनी याचा लाभ घ्यावा, असे आवाहन आयोजकांनी केले आहे.

The post “सौ बार जनम लेंगे..”! first appeared on Jan Swarashtra.

आमदार डॉ. अतुल भोसले; यशवंतराव चव्हाण यांच्या समाधीस्थळी केले अभिवादन 

The post यशवंत विचारांना अनुसरून सुसंस्कृत राजकारण करणार  first appeared on Jan Swarashtra.

चित्राताई वाघ यांची टीका; ओंड येथे महायुतीचा महिला मेळावा उत्साहात 

कराड/प्रतिनिधी : – 

राज्यातील महिलांच्या सक्षमीकरणासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजितदादा पवार या भावांनी ‘लाडकी बहीण’सारखी कल्याणकारी योजना राबवली. परंतु, ही योजना बंद पाडण्यासाठी त्याच बहिणींचे सावत्र भाऊ कोर्टात गेले. तसेच सावत्र बहिणींनीही या योजनेसाठी सरकारी तिजोरीत पैसा नसल्याचे धादांत खोटे सांगत महिलांना पैशांची लाच देऊ नका, अशी भाषा वापरली. आया – बहिणींचा आधार काढून घेण्याचा प्रयत्न करणाऱ्या अशा सावत्र भाऊ आणि बहिणींना या निवडणुकीत जागा दाखवा, अशी टीका भाजपच्या महिला प्रदेशाध्यक्षा चित्राताई वाघ यांनी माजी मुख्यमंत्री पृथ्वीराज चव्हाण, तसेच सुप्रियाताई सुळे आणि प्रणितीताई शिंदे यांच्यावर केली.

भव्य महिला मेळावा : ओंड (ता. कराड) येथे महायुतीचे अधिकृत उमेदवार डॉ. अतुलबाबा भोसले यांच्या प्रचारार्थ आयोजित महिला मेळाव्यात त्या बोलत होत्या. विचारमंचावर उमेदवार डॉ. अतुलबाबा भोसले, कृष्णा महिला औद्योगिक सहकारी संस्थेच्या संस्थापिका सौ. उत्तराताई भोसले (आईसाहेब), भाजप सातारा जिल्हा महिला अध्यक्षा सुरभीताई भोसले, गौरवीताई भोसले, कराडच्या माजी नगराध्यक्षा रोहिणी शिंदे, कविता कचरे, सारिका गावडे यांच्यासह महिला पदाधिकाऱ्यांची उपस्थिती होती.

सूर्य – चंद्र असेपर्यंत संविधान हटणार  नाही : महाविकास आघाडीचे नेते खोटे पण रेटून बोलणारे चोर आणि लुटेरे आहेत. त्यांनी संविधान हटवण्यात येणार असल्याची आवई उठवल्याचे सांगत चित्राताई वाघ म्हणाल्या, गोरगरीब, आदिवासींचे आरक्षण काढून घेण्यात येणार असल्याची भीती घातली. मात्र, मातृशक्तीला मुख्य प्रवाहात आणण्याचे काम केलेल्या बाबासाहेबांचे संविधान सूर्य – चंद्र असेपर्यंत कोणीही हटवू शकणार नाही. देशात 70 वर्षे सत्तेत असलेल्या काँग्रेसने महिलांसाठी काय केले? असा प्रश्नही त्यांनी उपस्थित केला. तसेच मोदींनी सार्वजनिक शौचालय, उज्वला योजना, जनधन योजना, मोफत धान्य, महिलांना 50 टक्के सवलतीत एसटी प्रवास, लखपती दीदी योजना, आयुष्यमान भारत, प्रधानमंत्री आवास योजना, मुलींना मोफत उच्च शिक्षण अशा अनेक कल्याणकारी योजना राबवल्या असल्याचे सांगितले. 

अतुलबाबांना कोणीही हरवू शकणार नाही : करोना कालावधीत मुख्यमंत्री उद्धव ठाकरे यांनी फेसबुकवर लाईव्ह येत जनतेला केवळ सल्ले देण्याचे काम केल्याचे सांगत वाघ म्हणाल्या, कराड दक्षिण विधानसभा मतदारसंघातही याहून काही वेगळी परिस्थिती नव्हती. येथील लोकप्रतिनिधी माजी मुख्यमंत्री पृथ्वीराज चव्हाण यांनी जनतेसाठी काय केले, हे पहा. याउलट डॉ. अतुलबाबा भोसले हे करोना कालावधीत लाडक्या बहिणींच्या पाठीशी भावासारखे उभे राहिले. त्यांना आधार दिला, जनतेची सेवा केली. या मतदारसंघातील दीड लाख बहिणी जर अतुलबाबांच्या पाठीशी उभ्या राहिल्या; तर त्यांना कोणीही हरवू शकणार नाही, असा विश्वासही त्यांनी यावेळी व्यक्त केला. 

भाषणबाजी करणाऱ्यांनी महिलांसाठी काय केले ? : 2014 पासून पंतप्रधान नरेंद्र मोदींनी महिलांच्या कल्याणासाठी अनेक योजना आणल्याचे सांगत डॉ. अतुल भोसले म्हणाले, अडीच वर्षांत महाविकास आघाडीने महिलांसाठी एकही चांगली योजना आणली नाही. याउलट महायुतीने महिलांना सन्मान देण्याचे काम केले. लाडकी बहीण योजनेला येथील लोकप्रतिनिधी माजी मुख्यमंत्री पृथ्वीराज चव्हाण यांनी निवडणुकीचा जुमला असल्याचे म्हटले. तसेच या योजनेसाठी सरकारी तिजोरीत पैसा नसल्याचे अधिवेशनात सांगत दुसरीकडे ही योजना आमची असल्याचाही दावाही त्यांनी केला. मग ते मुख्यमंत्री असताना पावणेचार वर्षांत महिलांच्या खात्यावर एकही पैसा आला का? अशा योजनांबाबत कधी ब्र शब्दही काढला का? असा सवाल उपस्थित करत भाषणबाजी करणाऱ्यांनी महिलांसाठी काय केले, अशी टीकाही त्यांनी पृथ्वीराज चव्हाण यांच्यावर केली. 

अतुलबाबांना भाऊबीजेची भेट देऊया : डॉ. अतुलबाबा भोसले यांनी लाडक्या बहिणींना, तसेच बांधकाम कामगारांना मोठा लाभ मिळवून दिला आहे. त्यामुळे अतुलबाबांना आपण भाऊबीजेची भेट म्हणून विधानसभेत पाठवूया, असे आवाहन रोहिणी शिंदे यांनी उपस्थित महिलांना केले.

अतुलबाबंना साथ देण्याची वेळ : करोना कालावधीत कृष्णा हॉस्पिटलच्या माध्यमातून डॉ. सुरेश भोसले आणि डॉ. अतुलबाबा भोसले यांनी माता – भगिनी, तसेच गोरगरीब जनतेची सेवा केली आहे, त्यांना मोलाची मदत केली. कराडला पूर परिस्थिती निर्माण झाल्यावर, तसेच पाण्याची कृत्रिम पाणीटंचाई निर्माण झाल्यावर डॉ. अतुलबाबा भोसले जनतेसाठी धावून आले. बांधकाम कामगार आणि लाडक्या बहिणींना मोठा लाभ मिळवून दिला. आता आपण त्यांना साथ देण्याची वेळ आली असल्याचे सुरभीताई भोसले यांनी सांगितले. 

“खा कुणाचं बी मटण; दाबा कमळाचं बटन” 

या निवडणुकीत विरोधकांकडून अनेक अमिषे दाखवली जातील. मात्र, त्याला कोणीही भुलू नका. लाडक्या बहिणी आणि बांधकाम कामगारांचे फॉर्म भरून घेत त्यांना लाभ मिळवून देण्यापर्यंत अतुलबाबांनी मोठे परिश्रम घेतले आहे. त्यामुळे आपल्या या भावाच्या कष्टाचे चीज करण्यासाठी गृहलक्ष्मींनी आपल्या पतींवर लक्ष ठेवून “खा कुणाचं बी मटण; पण दाबा कमळाचं बटन” असा कानमंत्र द्यावा, अशी मिश्किल टिपण्णी चित्राताई वाघ यांनी करताच महिलांसह उपस्थितांमध्ये चांगलाच हशा पिकला. 

महिलांच्या हाताला घरबसल्या काम देणार 

कराडच्या एमआयडीसीला फाईव्ह स्टारचा दर्जा देण्याची मागणी मी अमितभाई शहा यांच्याकडे केली आहे. त्याला त्यांनी होकार दिला असून या ठिकाणी आता मोठे उद्योग येतील. यातून अनेक युवक, नागरिकांना रोजगार मिळणार आहे. त्याचबरोबर या माध्यमातून कराड दक्षिणसह तालुक्यातील अनेक महिलांच्या हाताला घरबसल्या रोजगार मिळवून देण्याचे कामही आपण करणार असल्याची ग्वाही डॉ. अतुल भोसले यांनी यावेळी महिलांना दिली. तसेच आपला लाडका भाऊ, मुलगा म्हणून आपण मला मतरुपी आशीर्वाद द्यावा, असे आवाहनही त्यांनी यावेळी उपस्थित माता – भगिनींना केले. 

The post सावत्र भाऊ आणि बहिणींना जागा दाखवा  first appeared on Jan Swarashtra.

कराड/प्रतिनिधी : – 

यशवंत विकास आघाडीचे नेते राजेंद्रसिंह यादव यांच्या मार्गदर्शनाखाली सौ. रूग्वेदिका राजेंद्रसिंह यादव आणि जिजाई महिला मंच व उद्योग समूह यांच्यावतीने घेण्यात आलेल्या महिला महामहोत्सवाला महिलांचा प्रचंड प्रतिसाद मिळाला. कार्यक्रमासाठी हजारो महिलांनी उपस्थिती लावली. यावेळी घेण्यात आलेल्या मिसेस कराड स्पर्धेत आस्मा कागदी-इनामदार यांनी प्रथम क्रमांक मिळवून सोन्याचा हार पटकावला. महोत्सवातील अलोट गर्दीने अभिनेत्री अपूर्वा नेमळेकर व बिग बॉस फेम धनंजय पोवार (डीपी) भारावून गेले.

मान्यवरांची उपस्थिती : कार्यक्रमास राजेंद्रसिंह यादव, माजी नगराध्यक्षा सौ. संगिता देसाई, विजयसिंह यादव, स्मिता हुलवान, माजी नगरसेवक विजय वाटेगावकर, हणमंतराव पवार, अभिनेत्री अपूर्वा नेमळेकर, बिग बॉस उपविजेता धनंजय पोवार, रिल स्टार रवी दाजी, अभिनेते वासू पाटील, नगरसेवक गजेंद्र कांबळे निशांत ढेकळे, विनोद भोसले, किरण पाटील, प्रीतम यादव, बाळासाहेब यादव, ओंकार मुळे यांची उपस्थिती होती. यांची प्रमुख उपस्थिती होती.

महिलांच्या कलागुणांना वाव मिळण्यासाठी महामहोत्सव : राजेंंद्रसिंह यादव म्हणाले, विविध क्षेत्रात महिला कार्यरत आहेत. महिलांच्या कलागुणांना वाव मिळावा म्हणून कराडमध्ये या महिला महामहोत्सवाचे आयोजन करण्यात आले आहे. महिलांचा या उपक्रमाला मोठा प्रतिसाद मिळाला असून महोत्सवाचा महिलांना निश्चित लाभ होईल.

महिलांच्या कौशल्य विकसात महोत्सव प्रभावी ठरेल : स्मिता हुलवान म्हणाल्या, कराडमध्ये आयोजित केलेल्या या महिला महामहोत्सवाला अभूतपूर्व असा महिलांनी प्रतिसाद दिला आहे. महोत्सवाच्या माध्यमातून महिलांच्या व्यक्तिमत्त्व विकासाबरोबर त्यांच्यातील कौशल्य विकसित करण्यासाठी महोत्सव प्रभावी ठरेल.

विविध स्पर्धा उत्साहात : या कार्यक्रमात पाककला स्पर्धा, मिसेस कराड, होम मिनिस्टर, लाईव्ह ऑर्केस्ट्रा दांडिया, नारी सन्मान सोहळा, महिला बचत गटाच्या वस्तू प्रदर्शन व विक्री या कार्यक्रमांचे आयोजन करण्यात आले होते. नारी शक्ती सन्मान अंतरंग अंगणवाडी सेविका, मदतनीस व आशा वर्कर यांचा सन्मान करण्यात आला. उपस्थित सर्व महिलांना भेटवस्तू देण्यात आल्या.

मान्यवरांच्या हस्ते बक्षिसाचे वितरण : मिसेस कराड स्पर्धेत द्वितीय क्रमांक विजेत्या प्रतिज्ञा देसाई ठरल्या. त्यांना मिक्सर बक्षिस देण्यात आले. मिसेस कराड स्पर्धेचे परिक्षण स्मिता बेंद्रे यांनी केले. पाककला स्पर्धेत सिया पवार (मिक्सर), द्वितीय क्रमांक स्वाती जाधव (शेगडी), तृतीय क्रमांक निर्मल कुंभार (पार्टीवेअर ड्रेस), उत्तेजनार्थ गौतमी कांबळे (गिफ्ट हॅम्पर), पूनम गोसावी (इस्त्री) पाककलेचे परिक्षण प्रो. डॉ. ईला जोशी यांनी केले. यावेळी काढण्यात आलेल्या महा लकी ड्रॉमध्ये लता माने (मलकापूर) यांना प्रथम क्रमांक मिळाला. त्यांना वॉशिंग मशिन मिळाले. द्वितीय क्रमांक मंगल सावंत (आंधळी पलुस) यांना फ्रिज तर तृतीय क्रमांक रेश्मा लादे यांना बजाज फॅन बक्षीस देण्यात आले. अशा प्रकारे 23 लकी ड्रॉ काढण्यात आले. तसेच उपस्थित महिलांना गिफ्ट देण्यात आले.

मोलाचे योगदान : जिजाई महिला मंचच्या ज्योती पवार, उषा साळुंखे, रुपाली मुंढेकर, दिपाली मुंढेकर, मेघा कोरडे, पूजा मुंढेकर, सायली मुंढेकर, तेजश्री दुर्गावडे, अश्विनी पवार, सुनीता माने, गीता देशमाने, अश्विनी धनवडे, साधना राजमाने, सुचित्रा सोनावले यांनी परिश्रम घेतले.

The post आस्मा इनामदार ठरल्या मिसेस कराडच्या मानकरी first appeared on Jan Swarashtra.

कराड/प्रतिनिधी : – 

मुहंमद रफी म्युझिक अ‍ॅकॅडमी, कराडच्या वर्धापन दिनानिमित्त ‘आशिकी ‘ हिट्स या सदाबहार हिंदी गीतांच्या कार्यक्रमाचे आयोजन रविवार दि. 20 ऑक्टोबर रोजी करण्यात आले आहे. सायंकाळी 6.30 वाजता यशवंतराव चव्हाण स्मृती सदन (टाऊन हॉल) येथे हा कार्यक्रम होणार आहे. या कार्यक्रमात आशिकी चित्रपटातील सर्व बहारदार गीतांबरोबर नव्वदच्या दशकातील सुपरहीट चित्रपटातील गीते तसेच खास लोकाग्रहास्तव अजीज नाजा यांची अजरामर कव्वाली ‘चढता सुरज धीरे धीरे..’ हे या कार्यक्रमाचे विशेष आकर्षण आहे.

मुहंमद रफी म्युझिक अ‍ॅकॅडमीच्या वतीने प्रतिवर्षी हा कार्यक्रम होत असतो. अ‍ॅकॅडमीचे प्रमुख महागुरू असिफ बागवान यांच्या संकल्पनेतून हा कार्यक्रम साकारला आहे. कराडकरांसाठी हा कार्यक्रम म्हणजे एक संगीतमय पर्वणीच असते. यावर्षी आशिकी या सुपरहीट चित्रपटांतील गीतांबरोबर मैने प्यार किया, बाजीगर, दिल, प्रेम कैदी, सपने साजन के, रोजा, साजन, हन्ड्रेड डेज, कुछ कुछ होत है..कभी हा कभी ना.. अशा सुपरहीट चित्रपटातील गीते सादर होणार आहेत. कार्यक्रम सर्वांसाठी खुला आहे.

The post “आशिकी” हिट्सचे रविवारी कराडमध्ये आयोजन first appeared on Jan Swarashtra.

प्रा. दीपक देशपांडे; शारदीय व्याख्यानमाला पुष्प नववे, कराडकर रसिकश्रोते हास्यकल्लोळात बुडाले 

The post माणसाचे व्यक्तिमत्व त्याच्या आवाजावर अवलंबून असते  first appeared on Jan Swarashtra.

सांघिक व वैयक्तिक स्तरावर कामगारांनी पटकाविली 3 पारितोषिके

The post भजन स्पर्धेत ‘कृष्णा’च्या कामगार संघाचा गवगवा first appeared on Jan Swarashtra.

कराडमध्ये शनिवारी गोरक्षण संस्थेच्या वतीने आयोजन 

The post नवरात्रोत्सवानिमित्त रंगणार सामुदायिक भोंदल्याची धमाल first appeared on Jan Swarashtra.