स्व. जयवंतराव भोसले यांच्या जन्मशताब्दीनिमित्त सोमवारी आयोजन
कराड/प्रतिनिधी : –
सहकारमहर्षी स्वर्गीय जयवंतराव भोसले (आप्पासाहेब) यांच्या जन्मशताब्दीनिमित्त यशवंतराव मोहिते कृष्णा सहकारी साखर कारखान्यावर सोमवारी (दि. 23) दुपारी 2 वाजता व्याख्यानाचे आयोजन करण्यात आले आहे. या व्याख्यानात ज्येष्ठ संपादक डॉ. वसंत भोसले हे ‘आजचा महाराष्ट्र’ या विषयावर मार्गदर्शन करणार आहेत, अशी माहिती कराड तालुका साखर कामगार संघाच्यावतीने देण्यात आली.
जन्मशताब्दीनिमित्त व्याख्यान : सहकारमहर्षी स्वर्गीय जयवंतराव भोसले (आप्पासाहेब) यांच्या जन्मशताब्दीनिमित्त वर्षभर विविध उपक्रम राबवण्यात येत आहेत. त्याअंतर्गत सोमवारी (दि. 23 रोजी दुपारी 2 वाजता यशवंतराव मोहिते कृष्णा सहकारी साखर कारखाना कार्यस्थळावर कराड तालुका साखर कामगार संघ, शिवनगर आणि श्री गणेश शिवोत्सव मंडळ, शिवनगर यांच्या संयुक्त विद्यमाने ज्येष्ठ संपादक डॉ. वसंत भोसले यांचे ‘आजचा महाराष्ट्र’ या विषयावर व्याख्यान आयोजित करण्यात आले आहे.
आवाहन : या व्याख्यानाला मोठ्या संख्येने उपस्थित रहावे, असे आवाहन कराड तालुका साखर कामगार संघाचे अध्यक्ष एम. के. कापूरकर आणि श्री गणेश शिवोत्सव मंडळाचे अध्यक्ष बाळासाहेब पाटील यांनी केले आहे.
