आमदार डॉ. अतुलबाबा भोसलेंनी स्वीकारल्या शुभेच्छा; पदाधिकारी, कार्यकर्ते, नागरिकांची अलोट गर्दी
कराड/प्रतिनिधी : –
कराड दक्षिण विधानसभा मतदारसंघाचे नवनिर्वाचित आमदार डॉ. अतुलबाबा भोसले यांनी निवडणुकीत मोठया मताधिक्याने विजय मिळवला. त्यानंतर डॉ. भोसले यांच्यावर शुभेच्छांचा अक्षरशः वर्ष होत आहे. त्यांना शुभेच्छा देण्यासाठी शुक्रवारी कृष्णा कॅम्पसमध्ये लोकांनी मोठी गर्दी केली होती.
अलोट गर्दी : नुकत्याच झालेल्या निवडणुकीत भाजप महायुतीचे उमेदवार डॉ. अतुलबाबा भोसले यांनी कराड दक्षिण विधानसभा मतदारसंघात मोठया मताधिक्याने विजय मिळवला. विजयानंतर लोकांनी मतदारसंघात मोठ्या उत्साहात डॉ. अतुलबाबा भोसले यांचे स्वागत केले. तसेच त्यांना शुभेच्छा देण्यासाठी अलोट गर्दी केली.
नागरिकांच्या सेवेसाठी कटिबद्ध : कराड दक्षिण विधानसभा मतदारसंघातील लोकांनी मला भरभरून मते दिली. मला मोठ्या मताधिक्याने विधानसभेत पाठवले आहे. नागरिकांच्या सेवेसाठी मी सदैव कटिबद्ध असल्याचे सांगत आ. डॉ. भोसले म्हणाले, कराड दक्षिण मतदारसंघाच्या सर्वांगीण विकासासाठी मी सर्वोतोपरी सहकार्य करणार आहे.
मान्यवरांची उपस्थिती : याप्रसंगी माजी आमदार आनंदराव पाटील, कृष्णा कारखान्याचे उपाध्यक्ष जगदीश जगताप, संचालक जितेंद्र पाटील, बाजीराव निकम, निवासराव थोरात, शिवाजीराव पाटील, ज्येष्ठ उद्योजक आर. टी. स्वामी, माजी संचालक ब्रम्हानंद पाटील, माजी जि. प. सभापती संजय देसाई, युवा नेते केदार पाटील, दीपक गावडे, राहुल यादव, इस्लामपुरचे माजी नगराध्यक्ष भगवान पाटील, पै. आप्पासाहेब कदम, गजेंद्र पाटील, अरविंद पाटील, राजेंद्र पाटील, प्रकाश पाटील, डॉ. सुरेश सुकरे, सुनील पोळ, मोहनराव जाधव, दिलीप पाटील, मलकापुरचे माजी सभापती राजेंद्र यादव, माजी नगरसेवक हणमंतराव जाधव, कान्हा लाखे, सुरेश शेवाळे, युवराज पवार, राजेश जाधव, भाजपाचे शहराध्यक्ष एकनाथ बागडी, रुपेश मुळे, मुसेद्दीक अंबेकरी, स्वाती पिसाळ, कुबेर माने, प्रमोद जाधव, दीपक जाधव, शशिकांत जाधव, प्रमोद शिंदे, प्रशांत कुलकर्णी, मंजिरी कुलकर्णी, भारत जंत्रे, कविता कचरे, डॉ. सारिका गावडे, सुनील पोळ, जयवंत शेवाळे, डॉ. सुशांत मोहिते, धनाजी पाटील, राजेंद्र शिंगण, प्रमोद पाटील यांच्यासह कार्यकर्ते व मतदार मोठ्या संख्येने उपस्थित होते.
आमदारांचा नागरिकांसोबत सेल्फी
नवनियुक्त आमदार डॉ. अतुलबाबा भोसले यांना शुभेच्छा देण्यासाठी मतदारसंघातील पदाधिकारी, कार्यकर्ते, नागरिक मोठ्या संख्येने गर्दी करत आहेत. यावेळी अनेकजण आमदार डॉ. अतुलबाबा भोसले यांच्यासोबत फोटो व सेल्फी काढत आहेत. याप्रसंगी आमदार डॉ. भोसले यांनाही लोकांसोबत सेल्फी काढण्याचा मोह आवरता आला नाही. त्यांच्या या आपलेपणाचे लोकांकडूनही भरभरून कौतुक करण्यात आले.
