कारखान्यात मकरसंक्रांतीनिमित्त तिळगुळ वाटप; व्यवस्थापन व कर्मचाऱ्यांत सुसंवाद
कराड/प्रतिनिधी : –
मकरसंक्रांतीचे औचित्य साधून यशवंतराव मोहिते कृष्णा सहकारी साखर कारखान्याच्या कार्यस्थळावर कारखाना प्रशासन, कराड तालुका साखर कामगार संघ व गणेश शिवोत्सव मंडळ यांच्या संयुक्त विद्यमाने कर्मचाऱ्यांना तिळगुळ वाटपाचा कार्यक्रम उत्साहात पार पडला.
आपुलकीचे नाते अधिक दृढ : कारखान्याचे चेअरमन डॉ. सुरेश भोसले यांच्या मार्गदर्शनाखाली आयोजित करण्यात आलेल्या या उपक्रमाचा उद्देश संचालक मंडळ, कारखाना व्यवस्थापन व कर्मचारी यांच्यातील सुसंवाद आणि आपुलकीचे नाते अधिक दृढ करणे हा होता.
सलोखा व सौहार्द जपण्याचा संदेश : मकरसंक्रांतीसारख्या पारंपरिक सणाच्या माध्यमातून सामाजिक सलोखा आणि सौहार्द जपण्याचा संदेश यावेळी देण्यात आला.
मान्यवरांची उपस्थिती : या कार्यक्रमास कारखान्याचे मॅनेजिंग डायरेक्टर बाजीराव सुतार, कराड तालुका साखर संघाचे अध्यक्ष एम. के. कापूरकर, वसंतराव पवार, शंकरराव थोरात यांच्यासह सर्व खातेप्रमुख उपस्थित होते. मान्यवरांच्या हस्ते कर्मचाऱ्यांना तिळगुळ वाटप करण्यात आले. तसेच सर्वांना मकरसंक्रांतीच्या शुभेच्छा देण्यात आल्या.
उपक्रमाचे स्वागत : या कार्यक्रमामुळे कारखाना परिसरात आनंदी व उत्साही वातावरण निर्माण झाले होते. कर्मचाऱ्यांनीही या उपक्रमाचे स्वागत करत समाधान व्यक्त केले.
