सुमारे २००० हून अधिक स्पर्धकांनी सहभाग; निरोगी आरोग्यासाठी धावण्याचा संदेश
कराड/प्रतिनिधी : –
कृष्णाकाठचे भाग्यविधाते सहकारमहर्षी स्व. जयवंतराव भोसले (आप्पासाहेब) यांच्या १०१ व्या जयंतीनिमित्त कृष्णा विश्व विद्यापीठातर्फे आयोजित ‘कृष्णा मॅरेथॉन’ला स्पर्धकांचा उदंड प्रतिसाद लाभला. सुमारे २००० हून अधिक स्पर्धकांनी यात सहभाग घेत, निरोगी आरोग्यासाठी धावण्याचा संदेश दिला.
मॅरेथॉनला प्रारंभ : कृष्णा विश्व विद्यापीठाचे कुलपती डॉ. सुरेश भोसले, भाजपाचे जिल्हाध्यक्ष आमदार डॉ. अतुलबाबा भोसले व कृष्णा औद्योगिक महिला संस्थेच्या संस्थापिका सौ. उत्तरा भोसले यांच्या हस्ते ध्वज दाखवून सकाळी ६ वाजता कृष्णा रूग्णालयाच्या प्रांगणातून मॅरेथॉनला प्रारंभ झाला. ५ किमी आणि १० किमी अशा दोन गटात झालेल्या या मॅरेथॉनमध्ये २००० हून अधिक स्पर्धक सहभागी झाले होते.
५ किमी अंतर – पुरूष व महिला गट : ५ किमी अंतराच्या पुरूषांच्या १८ वर्षाखालील गटात गणराज, अलंकार पोळ, हर्षवर्धन पुजारी; तर महिला गटात श्रेया गोंदाल, जान्हवी पाटील व अनुश्री काळे यांनी, १९ ते ३५ वयोगटातील पुरूष गटात दिपक सवाखंडे, पवन कुंभार, अवधुत शिवणीकर, तर महिला गटात सकिना इद्रासी, कल्याणी थोरात व शिवानी भणगे यांनी यश मिळवले.
३६ ते ४५ वयोगट : ३६ ते ४५ वयोगटातील पुरूष गटात अमोल थोरात, निवास हांगे, संजय साळुंखे; तर महिला गटात विशाखा पाटील, मेघा साळुंखे व रुपाली जाधव यांनी, ४६ ते ५५ वयोगटातील पुरूष गटात मारुती चाळके, दत्तात्रय देसाई, अंकुश माळी; तर महिला गटात सुनिता सूर्यवंशी, वैशाली चव्हाण व माधवी शिंदे यांनी, ५५ वर्षांवरील पुरूष गटात मुरलीकृष्ण वत्स, रामचंद्र शेळके, चंद्रकांत पाटील; तर महिला गटात अमिता गोखले, माधुरी पांचारिया, मीरा भापकर यांनी अनुक्रमे प्रथम, द्वितीय, तृतीय क्रमांक पटकाविला.
१० किमी अंतर : १० किमी अंतराच्या पुरूषांच्या १८ वर्षाखालील गटात शुभम पाटील, प्रथमेश भोसले, ओंकार; तर महिला गटात रितीका मोहिते, आर्या देशमुख, अवनी चव्हाण यांनी, १९ ते ३५ वयोगटातील पुरूष गटात रतन धामी, वेदांत सुतार, वैभव बेंद्रे; तर महिला गटात जान्हवी पाटील, सानिका साबीर, अनुषा रावत यांनी, ३६ ते ४५ वयोगटातील पुरूष गटात केसर ठाकूर, विशाल केसरकर, मिथुन गावित; तर महिला गटात शैलजा पाटणकर, अनुराधा बोकील, अमृता जाधव यांनी, ४६ ते ५५ वयोगटातील पुरूष गटात वसंत लकडे, अंकुश गायकवाड, यशवंत घाडगे; तर महिला गटात वसुधा वत्स, निर्मला माने यांनी, ५५ वर्षांवरील पुरूष गटात लक्ष्मण यादव, सुधीर शाह, सतीश शिंदे; तर महिला गटात निलीमा वनारसे यांनी अनुक्रमे प्रथम, द्वितीय, तृतीय क्रमांक पटकाविला.
मेडल व स्मृतीचिन्ह : विजेत्यांना डॉ. सुरेश भोसले व सौ. उत्तरा भोसले यांच्या हस्ते मेडल व स्मृतीचिन्ह देऊन गौरविण्यात आले. दरवर्षी कृष्णा मॅरेथॉनचे मोठ्या प्रमाणात आयोजन करुन, पुढील वर्षीपासून २१ किमी रनिंग ट्रॅकचाही समावेश करणार असल्याचे सांगून डॉ. भोसले यांनी या मॅरेथॉनला ऐतिहासिक ओळख मिळवून देण्याचा प्रयत्न करण्याची ग्वाही दिली.
उपस्थिती : अजीम कागदी यांनी सूत्रसंचालन केले. मधुरा राऊत व अभिजीत पाटील यांनी झुम्बा नृत्याचे सादरीकरण केले. याप्रसंगी विद्यापीठाचे उपकुलसचिव एस. ए. माशाळकर, कृष्णा फौंडेशनचे कार्यकारी संचालक प्रा.डॉ. विनोद बाबर यांच्यासह विविध संस्थांमधील अधिकारी, कर्मचारी, विद्यार्थी मोठ्या संख्येने उपस्थित होते.
कराडच्या क्रीडापट्टूंचा विशेष सन्मान
कृष्णा मॅरेथॉनच्या उद्घाटनप्रसंगी विविध राष्ट्रीय व आंतरराष्ट्रीय स्तरावर सर्वोत्कृष्ट कामगिरी करणाऱ्या कराडच्या क्रीडापट्टूंचा डॉ. सुरेश भोसले यांच्या विशेष सन्मान करण्यात आला. दक्षिण आफ्रिकेतील कॉम्रेड अल्ट्रा मॅरेथानमध्ये सहभागी झालेले डॉ. सी. व्ही. महाजन, डॉ. शैलेश पाटील व संदीप पाटील, तसेच डबल सुपर रँड्युनर फिनिशर चंद्रजीत पाटील व रवी जाधव आणि आयर्नमॅन ऑस्ट्रेलिया फिनिशर उमेश पांचारिया यांना विशेष सन्मानित करण्यात आले.
हाफ मॅरेथॉन म्हणून स्पर्धेची नोंदणी
‘कृष्णा मॅरेथॉन’ला मिळालेला उत्स्फूर्त प्रतिसाद लक्षात घेता, ‘स्पोर्ट्स अथॉरिटी ऑफ इंडिया’कडे ही स्पर्धा हाफ मॅरेथॉन म्हणून नोंदणी करण्याचा निर्णय घेण्यात आला आहे. यानुसार स्पर्धेचे अंतर दहा किलोमीटरवरून वाढवून २१ किलोमीटर करण्यात येईल. पुढील वर्षी या मॅरेथॉनसाठी सेलिब्रिटींना आमंत्रित करून मोठ्या प्रमाणावर स्पर्धेचे आयोजन व प्रमोशन करण्यात येणार आहे. स्पर्धकांमध्ये दिसून आलेला उत्साह पाहता, ही मॅरेथॉन कायमस्वरूपी व व्यापक स्वरूपात आयोजित केली जाणार असून, भविष्यात एक लँडमार्क इव्हेंट म्हणून या स्पर्धेकडे पाहिले जाईल, अशा पद्धतीने आयोजन करण्याचा मानस असल्याचे डॉ. सुरेश भोसले यांनी सांगितले.
